Елімізден шет мемлекеттерге аударылған ақшаның жылдық көлемі екінші жыл қатарынан 1 трлн теңгеден асты. Бұл ретте бір аударымның орташа чегін 2021 жылғы 391,5 мың теңгеден 2022 жылы 415,3 мың теңгеге дейін ұлғайған.
Айта кеткен жөн, ақша аудармаларының жартысынан көбі Өзбекстан мен Түркияға жіберілген: Өзбекстанға — 289,8 млрд теңге, ал Түркияға — 271,9 млрд теңге. Қаражаттың едәуір көлемі Ресейге де жөнелтілген: 196 млрд теңге, бұл 2021 жылмен салыстырғанда 10,6% — ға артық. Ақша аударымдары бойынша топ бестікті Қырғызстан мен Грузия түйіндейді. Көрші қырғыз еліне 73,9 млрд теңге және Грузияға 70,9 млрд теңге аударылған.
Былтыр шетелге жіберілген ақша аударымдарының 76,6%-ы ресейлік «Золотая Корона» жүйесі арқылы жүргізілген, барлығы — 794,1 млрд теңге.
