«Сигма-ГАЗ» ЖШС заңсыз әрекеттерін тексеру бойынша ҚР Үкіметіне сұрау жолданады. Бұл туралы бүгін ҚР Парламенті Мәжілісінің депутаты Мақсат Толықбай Қарасай ауданы халқымен кездесуінде айтты, деп хабарлайды kazbusiness.kz.
Активіне ауданның он үшке жуық ауылы қарайтын газ серіктестігіне он мыңнан астам адам тұтынушы болып саналады. Депутатпен кездесуде тұрғындар «Сигма-ГАЗ» серіктесітігінің бірқатар заңбұзушылақтарын тізіп, мәселені қанша айтқанмен әлі күнге шешімін таппағанын атап өтті.
Бұған дейін желтоқсан айынанан бері газ бағасы туралы мәселе бірнеше рет көтеріліп, тиісті органдардың араласуымен тариф 28,95 теңге көлемінде бекітілген. Алайда тұрғындардың айтуынша, ЖШС айлық төлемді аталған бағамен емес, газ серіктесігінің өздері қойған тарифімен жүргізуде.
Сонымен қатар аймақтағы үйлерге газ қостыру мәселесі де ушығып тұр. Аудан тұрғыны Исахан Шәдібековтің сөзінше, «Сигма-ГАЗ» трассадан үйге дейін газ құбырын тартқанға қосымша заңсыз ақы алады.
«ЖШС өкілдері тұрғындарды газдан ажыратып қана қоймай, қайта қосқаны үшін ақша талап еткен және айыппұл салған. Ал айыппұл салуға тек деген мемлекеттік органдар ғана құқылы ғой. Негізі ЖШС төлем жасамай жатқан тұтынушылардың құбырын уақытша тоқтатып сотқа беру керек болатын. Алайда былтыр «СИГМА» ЖШС атауы «Сигма-ГАЗ» ЖШС деп өзгертілген, бірақ бізбен келісімшарт жасаспаған. Сондықтан сотқа бере алмайды. Сондықтан өрескел түрде газдан ажыратып жатыр», – деді жергілікті тұрғын.
«Газ және газбен жабдықтау туралы» ҚР Заңнамасының 17-бабында көзделген, тауарлық газды бөлек есепке алуды жүргізу жөніндегі шарт талаптары бұзылған жағдайларда, газ тасымалдау немесе газ тарату ұйымы немесе топтық резервуарлық қондырғылардың иесі бұзушылықтар жойылғанға дейін тұтынушыға тауарлық немесе сұйытылған мұнай газын беруді біржақты тәртіппен тоқтата тұруға құқылы екені көрсетілген.
Аудан тұрғыны, адвокат Жандос Бұлқайырдің айтуынша, тиісті органдар оған аталған мәселе бойынша тескеріс жұмыстарын жүргізуге рұқсат бермеуде.
Атап өту керек, кездесуге аудан әкімі қатыспады. Депутат Мақсат Толықбай осындай өзекті мәселенің шешімін іздеуде, халықпен кездесуге қатыспаған әкімнің үстінен шағым жасайтынын атап өтті.
Қыстан бері құзырлы органдардың араласуымен шешімін таппай келе жатқан мәселе бойынша сұрақтар көп. Осы тұрғыда мәжілісмен ҚР премьер-министіріне депутаттық сауал жолдайтынын айтты. Аймақтағы газды тексеру бойынша республикалық комиссия құру жұмыстарын жүргіземін деп сендірді. Сондай-ақ депутат аймақта өз өкілін сайлап, ауданның қордаланған мәселелерін назарда ұстайтынын жеткізді.
Алдағы уақытта аталған мәселе kazbusiness.kz сайтының жіті бақылауында болады.
