Осыған байланысты ағымдағы жылдың 26 қаңтарында Жетісу облысының сауда және тұтынушылардың құқықтарын қорғау Департаментінің мамандары Талдықорған қаласының ірі сауда орталықтарында тауарлар бағасының сәйкестігіне мониторинг жүргізді.
Мониторинг барысында департамент мамандары сөрелерде тұрған тауарлар бағасының сатып алған кездегі чекпен сәйкестігі, әлеуметтік маңызы бар тауарлардың шекті соммасын анықтады. Жалпы департамент маманы Ғазиз Аманжолұлының айтуынша тұтынушылардан бұл мәселелер бойынша тікелей арыз-шағым түспеген.
«Дегенмен әлеуметтік желідегі жарияланымдар бойынша департамент өз құзыреті бойынша мониторинг жүргізіліп отырады. Тұтынушылардан шағым түскен жағдайда қарайтынын жеткізіп, осындай бағытта шыққан жарияланымдардың «пікір қалдыру» бөлігіне департаменпен байланысу жайлы хабарландырулар жазылуда» – деп, атап өтті ол.
Жалпы, ҚР Тұтынушылар құқықтарын қорғау туралы заңына сәйкес, атап айтсақ 24 баптың 12 тармағы негізінде сатушы (дайындаушы) бағалар заттаңбасымен ресімделген, сауда объектісінің ішкі және сыртқы витриналарына қойылған тауардың құнын теңгемен көрсетуге, сондай-ақ тауарды сақтау жағдайларын қамтамасыз етуге , жұмыстардың және көрсетілетін қызметтердің құнын теңгемен жазбаша түрде көрсетуге, тауардың жарамдылық мерзімін, сақтау мерзімін белгілеуге, электрондық саудада сатушы сатып алу-сату шартын жасасу алдында тұтынушыға тауарға ақы төлеу рәсімі және оның құны туралы ақпарат беруге, тауардың бағалар заттаңбасымен ресімделген, сауда объектісінің ішкі және (немесе) сыртқы витриналарына қойылған, көрсетілген құнына сәйкес сатушы (дайындаушы) сатуға міндетті.
Жетісу облысының сауда және тұтынушылардың құқықтарын қорғау Департаменті
