Пхукет аралында асқан жылдамдықпен жүретін катердің апатқа ұшырау салдарынан 30 шақты шетелдік турист зардап шекті, деп хабарлайды kazbusiness.kz inbusiness.kz-ке сілтеме жасап.
Жалпы қайықта тай елінің төрт азаматы, 21 ресейлік, тоғыз қазақстандық, Қытайдың 2 азаматы және бір украиналық болған.
Туристер сәрсенбі күні түстен кейін көрші аралдардан Пхукетке қайтып келе жатқан. Жағаға жақындағанда катер теңізде ескерту мұнарасы ретінде орнатылған бетонды конструкцияға соқтығысқан. Апат салдарынан алты адам ауыр жарақат алған, ал 13 адам – орта деңгейде жарақат алған. 18 адам – жеңіл жарақат алған. Қазақстанның бір азаматы және жергілікті тұрғын жарақаттан аман қалған.
“Барлық зардап шеккендер Пхукеттің ең мықты ауруханасына жеткізілді. Тергеудің алдын ала болжамы бойынша, апатқа катер капитанының салғырттығы себеп болуы мүмкін”, – дейді полицейлер.