2022 жылғы тамызда инфляция жылдық есептеуде – 16,1%-ды, бір айда 1,4%-ды құрады, деп хабарлайды Kazbusiness.kz.
Статистикалық бюро мәліметінше, 2022 жылғы тамызда азық-түлік тауарларының бағасы өткен жылғы тамызбен салыстырғанда 20,8%-ға өсті, азық-түлікке жатпайтын тауарларға 15,5%-ға, ақылы қызметтерге 10,1%-ға көтерілді.
2022 жылғы тамызда (2021 жылғы тамызға):
- азық-түлікке жатпайтын тауарлар 15,5%-ға;
- кеңсе тауарлары 60,5%-ға;
- мектеп сөмкесі, оқушылар рюкзагы 44%-ға;
- жеке қолданылатын тауарлар 28,4%-ға;
- жуу және тазалау заттары 26,6%-ға;
- тұрмыс құралдары 24,2%-ға;
- құрылыс материалдары 20%-ға;
- балалар аяқ киімі 19,6%-ға;
- жиһаз және үйге қажетті заттар 19,2%-ға;
- ыдыс-аяқ 16%-ға;
- балалар киімі 15%-ға;
- автомобиль 14,6%-ға;
- тоқыма бұйымдары 11,3%-ға;
- фармацевтика өнімдері 10,7%-ға өсті.
Бір жылда (былтырғы және биылғы тамызға) ақылы қызметтер бағасы 10,1%-ға өсті.
Баға деңгейі:
- кешенді демалу ұйымдарына – 20,1%-ға;
- қоғамдық тамақтану қызметтеріне – 18,4%-ға;
- санаторий қызметтеріне – 15,3%-ға;
- денсаулық сақтау қызметтеріне – 14,9%-ға;
- шаштараздар мен жеке қызмет көрсету орындары қызметтеріне – 13,8%-ға;
- қонақ үй қызметтеріне 6,9%-ға өсті.
Ал жолаушылар көлігі қызметтері 5,7%-ға қымбаттады.
Тұрғын үй-коммуналдық қызметтер саласында тарифтер электр қуатына, қоқыс шығаруға – 3,7%-дан, суды бұруға 1,6%-ға жоғарылады, ал орталықтан жылытуға – 2,3%-ға, ыстық суға 0,9%-ға төмендеді.
