Бүгінде Жамбыл ауданында шағын және орта кәсіпкерлікпен 13 мыңнан астам адам айналысады. Бұл туралы өңір басшысы Нұрлан Ертас мәлімдеді, деп хабарлайды kazbusiness.kz тілшісі.
Жалпы бүгінде ауданда шағын және орта кәсіппен айналысатын 13 мың 275 субъект тіркелген. Салыстырмалы түрде, 2022 жылы 9 193 субъект болса, биыл бұл көрсеткіш екі есе көп. Нақтыласақ:
- шағын кәсіпорындар саны – 998 (2022ж. – 861);
- жеке кәсіпкерлер – 8 мың 131 адам (2022ж.-4552);
- ауыл шаруашылығы саласында 4 146 (2022ж.-3780) нысан жұмыс атқаруда.
“Бүгінгі күні кәсіпкерлікте 19 150 адам жұмыс істейді. Олардың орташа жалақы мөлшері 150 мың теңгені құрайды. Шағын және орта бизнестен түскен бюджеттік төлемдер 2 млрд. 152 млн 400 мың теңгені құрап отыр. (2022 жылы – 1 478 млн. 800 мың теңге)”, – деді аудан әкімі Нұрлан Ертас.
Айтуынша, кәсіпкерлікті әрі қарай дамытып, жаңа бизнес идеяларды қолдау бойынша барлық қажетті жағдайлар жасалуда.
Еске салсақ, өнеркәсіп өндірісінің көлемі 4 млрд 804 млн теңгені құрап, нақты көлем индексі 138 пайыз болды.
