Бейресми мәліметтер бойынша Парламен Мәжілісіне жаңадан сайланған кем дегенде 27 бизнесмен-депутат бар. Шынайы сан бұдан да көп болуы мүмкін.
Мемлекеттік қызмет істері агенттігі халық қалаулыларына өз кәсібін өзгенің басқаруына беруінің нұсқаулық-инструкциясын табыстаған. Айтылған ведомство ұсынған “Мемлекеттік қызметшілердің мүлкін сенімгерлік басқаруға беру қағидаларының” жобасында келесідей көрсетілген:
“ҚР Парламентi және оның депутаттарының мәртебесi туралы” заңына сәйкес, Парламент депутатына басқа өкілді органның, нақтылағанда, мәслихаттың депутаты болуына, ақы төленетін өзге де жұмысты қоса атқаруына, кәсіпкерлік қызметпен шұғылдануына, коммерциялық ұйымның басшылық органының немесе байқаушы кеңесінің құрамына кіруге тыйым салынған.
Тәртіп бойынша саяси және әкімшілік мемлекеттiк қызметшiлер лауазымға кiрiскен күннен бастап күнтізбелік 30 күн ішінде бизнесін сенімгеріне табыстауы шарт.
Сенімгерлік басқаруға мынандай мүліктер тапсырылуы тиіс:
- коммерциялық ұйымдардың жарғылық капиталындағы үлестерді;
- олардағы акцияларды;
- пайдаланылуы кірістер алуға әкелетін өзге де мүлікті береді.
Егер депутат айтылған тыйымдарды бұзатын болса, заң негізінде Орталық сайлау комиссиясының ұсынуымен ол депутаттық өкілеттігін тоқтатады. Яғни, мандатынан айрылады.
