Бүгінде елімізде қарапайым қызметкерліктен гөрі бизнес жүргізуге қызығушылық танытатындардың қатары көбейіп келеді. Дегенмен көпшіліктің бизнес ашуға ниеті болғанымен біліктіліктері мен қаржының жетіспеушілігі кедергі келтіріп жатады. Ол үшін бизнес идеяларды жетілдіріңіз, ақылды адамдармен сөйлесіңіз және инвесторларды тартуға тырысыңыз.
Kazbusiness.kz тілшісі lifehacker жазған жеке кәсіпке кедергі келтіретін әдеттер мен одан арылу жолдарын ұсынады.
Бірінші себеп: “Менде табыс әкелетін идея жоқ”
Адамдардың көпшілігі табыс әкелетін идея жоқ екенін айтады.
Мәселені қалай шешуге болады?
- Идеяны емес, проблеманы іздеуге назар аударыңыз. Егер сіздің бизнесіңіз ешкімге қажет емес өнімді шығарумен айналысса, мұндай кәсіп табысты болмайды. Белгілі бір адамдар тобына тән мәселені тауып, оның шешімін ұсыну керек. Бұл дәл айналаңызда болып жатқан мәселе болса тіпті жақсы.
- Болашақты ойлау. Ол дрондардың, смарт гаджеттердің, жасанды интеллекттің қолында. Осы заттардың айналасында идеяларды іздеңіз.
- Сіз жұмыс істейтін бизнес саласын тексеріңіз. Сөзсіз, сізде тәжірибе мен таныстар бар – бұл бизнес әлеміне қол жеткізуді жеңілдететін әлеуметтік қор.
- Қолданыстағы процестерді оңтайландыру. Егер сіз адамдар уақыт пен ақшаны босқа кетіретін саланы тауып, содан кейін осы мәселенің шешімін ұсынсаңыз, табысты бизнес құру мүмкіндігі артады.
- Көшірме жасаңыз. Бірақ тікелей көшірмеңіз. Қазіргі уақытта жұмыс істеп жатқан идеяларды жетілдіріңіз – бұл стартапқа тұтынушыларды тартудың жалғыз жолы.
- Ақылды адамдармен саяхаттаңыз және араласыңыз. Бұл дүниетанымды кеңейту – көп мәселелер мен олардың шешімін табудың ең жақсы жолдарын білдіреді.
Кеңес: Кәсібіңіз үшін қандай идеяны таңдасаңыз да, ол сізді қызықтыруы керек.
Екінші себеп: “Бастапқы қаржыландыру жоқ”
Кәсіп бастай алмай жүргендердің көпшілігі себеб ретінде ақшаның жоқтығын айтады. Иә, расында да, бизнестің көптеген түрлері бастапқыда үлкен инвестицияны қажет етеді. Жалақыға негізделген өмір сүру жағдайында көбінің өз ісін ашуға мүмкіндігі жоқ.
Мәселені қалай шешуге болады?
- Қажетті қаражатты үнемдеңіз – бұл ең қауіпсіз әдіс. Өкінішке қарай, бұл көп уақытты қажет етеді, бірақ бұл жағдайда сіз тек өз ақшаңызбен тәуекел етесіз және бизнес сәтті болмаса, қарыз болмайсыз.
- Достар мен туыстарды бизнеске тартыңыз. Бірақ бұл тәсіл қарым-қатынастың нашарлауына әкелуі мүмкін екенін есте сақтаңыз.
- Инвестор табыңыз. Мұндай адамдар мен ұйымдар инвестициялау үшін перспективалы идеяларды іздейді. Әрине, олар мұны өз қаражатын көбейту үшін жасайды. Сондықтан бұл жағдайда инвесторға бизнесіңіздің үлкен үлесін беруге тура келеді.
Кеңес: Мүмкіндіктерді мұқият бағалаңыз және нақты бизнес-жоспар жасаңыз. Өйткені, несиенің әрбір сомасын пайызбен өтеу керек.
Үшінші себеп: “Кепілдік жоқ”
Көп адамдар кәсіптің сәтсіз болып, банкротқа ұшырауынан қорқады. Мұндай қорқыныш ұзақ уақыт бойы бір жерде жұмыс істеген адамдарға тән: олар тұрақтылықты жоғалтудан қорқады.
Мәселені қалай шешуге болады?
- Бар жұмысыңызды тастамаңыз. Негізгі кәсіппен қатар көптеген бизнес түрлерін бастауға болады. Рас, бұл жағдайда мерекелерді, демалыс күндерін, бос уақытты ұмытуға тура келеді. Сізде тек жұмыс пен бизнес қалады, бірақ осылайша сіз біраз уақыт тұрақтылықты сақтай аласыз.
- Туыстарының көмегін пайдаланыңыз. Кейде біз айналамыздағыларға тұрақтылық пен жайлылық деңгейін қамтамасыз ету керек деген оймен шектелеміз. Бірақ жақындарыңызбен ашық сөйлесудің нәтижесінде сізді шектейтін ойлар тек миыңызда екеніне көз жеткізесіз. Егер олар сізді қолдаса және сізге сенсе, басқа кепілдік қажет емес.
- Жылға нақты мақсаттар қойып, оларды бірнеше кезеңге бөліңіз. Адамдар үлкен жобалардан қорқады. Мысалы, сіз екінші Facebook жасағыңыз келеді. Мұндай мақсат кез келген адамды қорқытуы мүмкін. Сіз бастаған ісіңіз осы ауқымда бизнеске айналатынына кепілдік жоқ. Дегенмен, егер өз жобаңызды аралық кезеңдерге және нақты мақсаттарға бөлсеңіз, мысалы – кеңсені табу және жалға алу, несиеге құжаттарды жинау – онда сіз мұның бәрін істей аласыз.
