Жетісу облысы құрылған шақта тігін фабрикасын іске қосып отырмыз. Бізде әлеуметтік аз қамтылған отбасы мүшелері, көп балалы аналарды жұмыспен қамтуға басымдық беріледі ,-деп атап өтті «Айсұлу» тігін фабрикасының директоры Жарылқасын Болатұлы.
Фабрика салалық арнайы киім тігумен айналысады. Сонымен қатар мұнда ұлттық оюмен көмкерілген көрпе-жастықта тігіледі.
Айта кетейік, өнеркәсіптің негізі 2020 жылы қаланған. Ол кезде медициналық бетперде шығаратын шағын цех болған. Айналасы 2 жылдың ішінде етек-жеңін жинап, қанатын қомдап үлкен фабрикаға айналды. Алдағы жоспарларыда жетерлік, таяу болашақта «Жетісуда өндірілген» деген атаумен республика мен шет ел нарығын жаулап алмақ.
