Қауіпсіз қызметті жүзеге асыру үшін кәсіпкерлік субъектілері мен ұйымдардың құқықтық сауаттылығын арттыру, мемлекеттің бақылау-қадағалау қызметін реформалауды іске асыру шеңберінде қыркүйектің отызы, сағат 16:00-де бірыңғай есеп беру күні өтеді.
Аталған шараның мақсаты- мемлекеттік бақылау мен қадағалау мәселелері бойынша заңнаманың міндетті талаптарының бұзылуының жүйелі профилактикасын дамыту.
Шара кәсіпкерлік субъектілерімен бірге мемлекеттік бақылау мен қадағалаудың және Қазақстан Республикасының заңнамасының бұзылуының алдын алу нәтижелерін талқылауға арналған кездесу түрінде өткізіледі.
Кәсіпкерлерге арналған жиын Талдықорған қаласы, 8 ықшам ауданы, Астана даңғылы, 2 А Жетісу облысының кәсіпкерлер палатасының ғимаратында болады.
