Бүгінгі таңда жұмыспен қамтудың белсенді шараларымен 19 мың қыз-келіншектер қамтылды. Оның 8 мыңнан астамы тұрақты жұмыс орындарына орналастырылған.
2022 жылы 936 әйел қысқа мерзімді оқытудан өтті. Жұмыссыз және өнімсіз өзін-өзі жұмыспен қамтыған азаматшалардың арасынан осы жедел оқытудан өткен әйелдер бүгінде нағыз іскер әйелдерге айналды. “Бастау бизнес” жобасын аяқтап, грантқа ие болған азаматшалар арманын жүзеге асырып, өз жеке ісін бастауға мүмкіндік алды. Олар мал шаруашылығымен, құс шаруашылығымен айналысуға, сұлулық салондарын, тігін цехтарын, кондитерлік дүкендерді, наубайханаларды және т. б. ашу үшін қажетті жабдықтарды сатып алуға қол жеткізді.
2023 жылы қысқа мерзімді кәсіптік оқытуға 800 адамды және субсидияланатын жұмыс орындарына 8484 адамды жіберу жоспарлануда. Жаңа бизнес-идеяларды іске асыру үшін 588 адамға гранттар беріледі.
2023 жылы 2,5 % мөлшерлемесімен жастардың кәсіпкерлік бастамалары үшін 1 млрд. 245 млн. теңге сомасына 249 шағын несие беру жоспарлануда.
