Жетісу облысында бүгінгі күні 1641,6 мың тонна жем-шөп дайындалды, бұл қажеттіліктің 85,5% құрайды. Соның 1188,4 мың тоннасы – шөп (98,5%), 104,9 мың тоннасы – пішендеме (94,6%), 160,8 мың тоннасы – сабан (90,9%), 187,5 мың тоннасы – жем (80,2%). Сол сияқты 195,2 мың гектар (63%) масақты-дәнді дақыл орылды, – деп хабарлайды Жетісу облысы әкімінің баспасөз қызметі.
Облыстық ауыл шаруашылығы басқармасының мәліметіне қарағанда, бүгінгі күні облыста жалпы саны 1570 техника, соның ішінде 954 комбайн егіс алқаптарында іске кіріскен.
Жалпы биылғы жылы Кербұлақ ауданында 2 сервистік-дайындау орталығы құрылған болатын. Оның 1-еуі – қарақұмық бағытында, 2-шісі мал азығын дайындауға арналған. Оларға облыс бюджетінен «Жетісу» ӘКҚ арқылы лизингіге арқылы жалпы саны 26 техника сатып алынған. Техниканы жаңарту мен толықтыру жұмыстары келесі жылы да жалғасады.
Жетісу облысы әкімінің баспасөз қызметі.
