Жетісу өңірінің тұрғыны Оразбек БЕКЖАН қоршаған ортаға пайда әкеле отырып, ақша табудың жолын тапты, деп хабарлайды kazbusiness.kz.
Сарыөзектік іскер азаматтың назары адамдар лақтырып кететін пластик бөтелкелерге түскен.
Айта кетейік, қоршаған ортаны пластикпен ластау — бүкіл әлемдегі ең өзекті экологиялық проблемалардың бірі болып табылады.
БЕКЖАН осы сұрақты ой елегінен өткізіп, пластик бөтелкелерді жинай бастады. Дегенмен, өңдеу белгілі бір жабдықты қажет етеді. Кейін мемлекеттік грантқа құжат тапсырып, конкурста жеңіске жетіп, 1,2 млн теңге алады.
Ол бұл қаражатты өз ісін дамытуға жұмсаған. Қуатты престің көмегімен ол бөтелкелерден брикет тәрізді нәрсе жасайды, содан кейін оны қайта өңдеуге сатады.
