Биыл Алматы облысы бойынша 60506 жаңа жұмыс орнын құру, оның ішінде 47972 тұрақты жұмыс орны құру жоспарланған. Бұл туралы Алматы облысының Жұмыспен қамтуды үйлестіру және әлеуметтік бағдарламалар басқармасы хабарлады.
Осы жылдың 1 ақпанындағы жағдай бойынша облыста барлығы 2796 жұмыс орны (оның ішінде 1993 тұрақты жұмыс орны) құрылды.
Сондай-ақ, Алматы облысы көлемінде 2021-2025 жылдарға арналған Ұлттық жоба аясында орта жастағы 845 адамды қысқа мерзімді кәсіптік оқыту жоспарланған. Оған 299,6 млн.теңге бөлінді, оқу мерзімі 1 — 6 ай.
Жалпы облыс бойынша 946,7 млн.теңге сомасына 400 АЕК-тен 686 грант беру көзделетін болады.
Сонымен қатар, жұмыспен қамтудың белсенді шараларымен 13 640 адам қамтылатын болады, оған 7,6 млрд.теңге көзделген. Оның ішінде:
- — әлеуметтік жұмыс орындарына — 569 адам,
- — еңбекақыны субсидиялауға (мүгедектерді жұмысқа орналастыру үшін арнаулы әлеуметтік жұмыс орындары) — 10 адам,
- — жастар тәжірибесіне — 981 түлек,
- — қоғамдық жұмыстарға — 6184 адам,
- — алғашқы жұмыс орнына — 586 адам,
- — ұрпақтар келісімшартына — 46 адам,
- — күміс жасқа – 975 адам.
2023 жылдың 1 ақпандағы жағдай бойынша Алматы облысында 2308 адам жұмысқа орналастырылды, оның ішінде 1529 – тұрақты жұмыс орындарына ие болды. Жастар практикасына – 52 адам, қоғамдық жұмыстарға – 652 адам, алғашқы жұмыс орнына – 22 адам, ұрпақтар келісімшартына — 1 адам, күміс жас жобасына – 76 адам жіберілді.
