Қазақстанда 919 мың салық төлеуші тұлғаның берешегі 24,3 млрд теңгені құрайды. Салықтың басым бөлігі көлік құралдарына тиесілі. Темір тұлпар үшін берешек — 22,8 млрд теңгені құрап отыр.
Өкінішке орай көлігі үшін міндетті салық төлеуден жалтарғандарда жетерлік. Олардың ең көбі Алматы қаласында тіркелген. Оңтүстік астанада — 88 мың адам 5,2 млрд теңге берешек болса, Алматы облысында — 132 мың борышкер 3,9 млрд теңге мемлекетке салық төлеуі тиіс.
Ал Нұр-Сұлтан және Шымкент қалаларында – тиісінше 2,6 млрд теңге және 1,9 млрд теңге берешегі бар 76 мың борышкерден.
«2021 жылға жеке тұлғалардың көлік құралдарына салық төлеу мерзімі 2022 жылғы 1 сәуірде аяқталғанын еске саламыз. 2022 жылғы 17 мамырдан бастап салық сомасын уақтылы төлемеген тұлғаларға 1 АЕК-тен жоғары берешек сомалары бойынша жеке тұлғаның берешегін өндіріп алу туралы салық бұйрықтарын жолдау басталды», – деп хабарладыҚР ҚМ Мемлекеттік кірістер комитеті.
