Jusan дүкені ұсынған деректерге сүйенсек, азық-түлікке онлайн тапсырыс беретіндердің 97%-дан астамы – Алматы және Астана қалаларының тұрғындары. Қалған қалаларда онлайн-сауда айтарлықтай дамымаған көрінеді.
Әлеуметтік маңызы бар азық-түліктер
Jusan дүкенінде 75,6% онлайн тапсырысты алматылықтар жасайды екен. Олар онлайн алдыратын топ-5 тауардың көшін пияз бастап тұр. Одан бөлек, бұл тізімде сәбіз, картоп екінші және үшінші орында тұрса, рейтингті ұсақ картоп пен орамжапырақ аяқтайды.
Сонымен қатар Алматы тұрғындары ең жиі тапсырыс беретін өнімдер қатарында сарымсақ, шалғам, шалқан, қызылша мен қызанақ бар.
Ал елордалықтар болса, бірінші кезекте сүтті (майлылығы 3,2%) онлайн алдыртуды жөн көреді. Бұдан басқа ең жиі алдыратын топ-5 өнімдер қатарынан құмшекер, Agro картоп, майлылығы 2,5% сүт, пияз табылады.
Сусындар
Бұл категория бойынша алматылықтар онлайн түрде жиі тапсырыспен алдыратыны энергетикалық Dizzy сусыны көрінеді. Сонымен қатар алғашқы бестікте Coca-Cola, газдалмаған Samal суы мен Arzu Life Fitnes табиғи-минералды суы, энергетикалық Gorilla классикалық сусыны бар.
Ал астаналықтар арасында газдалмаған Turan суы кеңінен танымал. Сондай-ақ олар да онлайн түрде энергетикалық, атап айтсақ, Gorilla (манго-какос дәмімен және классикалық), Dizzy, ZET Energy сусындарын тапсырыс алғызуды әдетке айналдырған.
Ет өнімдері
Елорда тұрғындары етке онлайн түрде тапсырысты жиі береді. Жалпы, бұл сегмент бойынша астаналықтардың үлесі 77%-ға тең. Ал Алматыда бұл көрсеткіш небәрі 7%-ға жетер-жетпес.
Астана тұрғындары жиі тапсырыс беретін топ-5 ет өнімдері:
- Сиырдың тартылған еті;
- Сиырдың артқы сан еті;
- Тауық сүбесі;
- Сиырдың жұмсақ еті;
- Тауықтың сан еті.
Алматы тұрғындары жиі тапсырыс беретін топ-5 ет өнімдері:
- Сиырдың тартылған еті;
- Бургерге арналған мәрмәр бұзау еті;
- Тауық сүбесінен кәуап;
- Сиыр сүбесі;
- Сиырдың артқы сан еті.
Осы тұста Jusan дүкенде барлық категориялар бойынша жыл басынан бері астаналықтар жасаған сауда бойынша орташа чек 22 623 теңге, ал Алматыда бұл көрсеткіш 9 931 теңге екенін атап өткен жөн.
Jusan дүкенінде азық-түліктен бөлек, тұрмыстық техника, электроника және автобөлшектер, жиһаз, зергерлік бұйымдар мен құрылыс материалдарын тапсырыспен алдыра аласыз. Тауарлардан бөлек, мұнда қызметтер мен курстарды да сатып алуға болады. Сонымен қатар онлайн-дүкенде бөліп төліп алу да қарастырылған.
