Қазақстанда кәсіпкерлердің банктік шоттарынан қаражат алудың шекті сомасын арттыру жоспарлануда. Банктік шоттан алудың шекті сомасын 25%-дан астам ұлғайту ұсынылады, деп хабарлайды kazbusiness.kz.
Қаржы реттеушісі күнтізбелік ай ішінде алу лимиттерін өзгертуді ұсынады:
- Шағын кәсіпкерлік субъектілері үшін – 30 млн теңге;
- орта кәсіпкерлік субъектілері үшін – 160 млн теңге;
- Ірі кәсіпкерлік субъектілері үшін – 200 млн теңге.
Кәсіпкерлердің қаражатты алу сомасының шекті мөлшерін өзектендіру үшін түзетулер енгізіледі.
2020 жылы ҚР Ұлттық Банкі кәсіпкерлер үшін қолма-қол ақшаға шектеулер қойды:
- Шағын кәсіпкерлік субъектілері үшін – 20 млн теңге;
- орта кәсіпкерлік субъектілері үшін – 120 млн теңге;
- ірі кәсіпкерлік субъектілері үшін – 150 млн теңге.
Заңды тұлғалар екінші деңгейдегі банктерге тиісті негіздеме берген кезде белгіленген лимиттерден асып кетуге жол беріледі.
