Әлеуметтік желілерде “Феминита” қозғалыс өкілдері Қожа Ахмет Яссауи кесенесі алдында ЛБГТ туын көтерген бейнежазбасы адамдардың ашуын тудырды, деп хабарлайды kazbusiness.kz.
Бейнежазбада “Феминита” қозғалысының негізін қалаушылар Жанар Секербаева мен Гүлзада Сержан қасиетті кесененің алдында түрлі түсті ту көтеріп, өздерінің қозғалыстарын қолдауға шақырған.
Айтылған бейнежазба желі қолданушыларының ашуын келтірген. Азаматтар бұл фембелсенділерді жазалауды сұрап отыр.
“Жалған құқықтарыңды қорғаймын деп сіздер қасиетті жерді және көптеген адамдарды қорлап отырысыздар. Шектен тыс толеранттылықтан шаршадым! Неліктен біздің сенім мен құндылықтарымызды бұзатын басқа біреудің мәдениетіне төзіп, үнсіз қабылдауымыз керек?” – деп жазды Қабден (@KabidenS) есімді қолданушы.
Сондай-ақ қоғам белсенділері мен заңгерлер де бұл мәселені айналып өтпей, тиісті органдарға шағымданған.
“Қылмыс қай жерде жасалды, оқиға орын алған жерде қылмыстық іс ашылу керек.
Екі әйел бір-бірімен қарым-қатынаста шығар, адамның жеке өміріне ешкімнің қол сұғуға құқысы жоқ, оны жақсы білем. Бірақ екеуара қатынасты насихаттау үшін бүкіл бір Ұлттың қасиетті мекенін таңдап, халықтың діни таным-сезімдерімен ойнау, бұл енді – үлкен қылмыс! “Әркімнің таңдауын сыйлау керекпіз”, деп өз мәдениетімізді, өз ұлтымыздың құндылығын, рухани тектілік-қастерін ұмытпауымыз керек! Мына екі азамат шектен шықты!” – деп жазды өз Facebook парақшасында заңгер Айгүл Орынбек.
