Бүгін Астана қаласында Ұлттық музейдің директоры Арыстанбек Мұхамедиұлы мен оның сыйбайластарына үкім шығарылдыды. Сот шешімі бойынша Мұхамедиұлы 8 жылға бас бостандығынан айырылды. Ол жазасын қауіпсіздігі орташа мекемеде өтейді, деп хабарлайды kazbusiness.kz ақпарат агенттігі.
Елордада өткен сот отырысында Арыстанбек Мұхамедиұлы Қылмыстық кодекстің екі бабы бойынша адамдар тобымен алдын ала сөз байласу арқылы сенiп тапсырылған қаражатты аса iрi мөлшерде ұрлау, оларды иемденiп алу немесе жымқыруды ұйымдастырғаны үшiн кінәлі деп танылған.
“Арыстанбек Мұхамедиұлы ҚР Қылмыстық кодекстің 28-бабы 3-бөлігі және 189-бөлігі 4-тармағы 2-тармағы бойынша құқық бұзушылық жасағаны үшін кінәлі деп танылсын. 8 жылға бас бостандығынан айыру жазасы тағайындалсын”, – деді судья Бағлан Ыдырысов.
Одан бөлек, судья Мұхамедиұлын “Құрмет” және “Парасат” ордендерінен, сондай-ақ Қазақстанның еңбек сіңірген қайраткері атақтарынан айыру туралы ұсынысты президентке енгізу туралы шешім қабылдады. Сонымен қатар Мұхамедиұлына өмір бойына мемлекетік қызметте, соттарда, ұлттық компаниялар мен квазимемлекеттік секторда жұмыс істеуге тыйым салынды.
Ал оның сыйбайластары деп танылған күдіктілерге төмендегідей үкім шығарылды:
- Алмаз Нұразханға Қылмыстық кодекстің 189-бабы 2-тармағының 4-бөлігі бойынша айып тағылған. Оған мемлекеттік қызмет атқару құқығынан өмір бойына айыра отырып 7 жылға бас бостандығынан айыру жазасы тағайындалды.
- Азамат Көшенов Қылмыстық кодекстің 28-бабы 2-тармағы 5-бөлігі, 189-бөлігі 4-бөлігі бойынша 7 жылға бас бостандығынан айырылады және мемлекеттік сатып алумен айналысуына тыйым салынады.
- Айым Сәдуақасоваға Қылмыстық кодекстің 28-бап, 5-бап және 189-бап 4-бап 2-тармағы бойынша 7 жылға бас бостандығынан айыру жазасын тағайындалады.
- “Экспонат” ЖШС бухгалтері үй қамақта болды. Оны сот залында дереу қамауға алуға шешім шығарылды. Ал оның кәмелет жасқа толмаған баласын туыстарының асырауына немесе арнайы мекеменің қарауына беріледі.
Мұхамедиұлының адвокаты аппеляцияға шағым түсіретінін мәлімдеді. Қорғаушы тарап Жоғарғы сотқа дейін барамыз дейді.
Тергеу материалдарына сүйенсек, сотталушылар 221 млн теңге жымқырған.
