Астана әкімі Жеңіс Қасымбек бокстан әлем чемпиондарына елордадан үш бөлмелі пәтер кілтін табыс етті, деп хабарлайды Kazbusiness.kz
Елордалық боксшыларымыз 2023 жылғы Ташкентте өткен әлем чемпионатында үлкен нәтижелерге қол жеткізді.
“Санжар Тәшкенбай мен Нұрбек Оралбай алтын жүлдегер атанды! Бүгін оларға демеушілер есебінен үш бөлмелі пәтердің кілттерін табыс еттік. Сол сияқты жаттықтырушылардың да еңбегін назардан тыс қалдырмадық. Бұл жеңістің артында үлкен еңбек пен үздіксіз дайындық, спортшылардың өзіне деген сенімділігі жатыр! Боксшыларымыздың ары қарай да биік белестерді бағындырып, жеңіс тұғырынан көріне беруін тілеймін!”, – деп жазды Қасымбек Instagram парақшасында.
Естеріңізге сала кетейік, бокстан Өзбекстанның Ташкент қаласында өткен әлем чемпионатында Санжар Тәшкенбай, Махмұд Сабырхан, Асланбек Шымбергенов, Нұрбек Оралбай жеңімпаз атанды және Дулат Бекбауов күміс медальді иемденді.
