2023 жылдың басынан бастап «Атамекен» ұлттық кәсіпкерлер палатасы «2021–2025 жылдарға арналған кәсіпкерлікті дамыту жөніндегі ұлттық жобасының аясында «Мен – кәсіпкер» кәсіпкерлік әлеуетін дамыту» құралы шеңберінде қандай қызметтерді жүзеге асыратынын жазды, деп хабарлайды kazbusiness.kz.
Бірінші бағыт – Әйелдер кәсіпкерлігін дамыту орталықтары арқылы 18 жастан асқан кәсіпкер әйелдер мен кәсіпкерлік бастамасы бар әйелдерге келесі қызметтер көрсетіледі:
- консультациялар беру;
- кәсіптік және бизнес оқытуды, сондай-ақ дәстүрлі қолөнер түрлеріне оқытуды ұйымдастыру;
- менторлық қызмет;
- қаржыландыру (краудинвестинг, инвестициялар, гранттар, лизинг) тартуға оқыту;
- әйелдер кәсіпкерлігі өкілдерінің халықаралық жобаларға қатысуына жәрдемдесу жөнінде көрсетілетін қызметтер;
- бизнеске шолу жүргізу қызметі;
- «Бір ауыл – бір өнім» жобасы шеңберінде жергілікті шикізаттан жасалған өнімдерді ілгерілету және әзірлеуге қатысты қызметтер.
Екінші бағыт – «Кәсіпке бағыт» – ол шағын және орта кәсіпкерлік субъектілеріне кәсіпкерлік әлеуетті арттыру мақсатында, анықталған қажеттіліктер бойынша салалық (бейіндік) оқыту қызметі көрсетіледі.
Анықтама алу үшін Өңірлік кәсіпкерлер палаталарының мекенжайына барып және 1432 колл-орталық телефондары арқылы ақпарат алуға болады.
