Бір жылды артқа қалдырып, тағы бір жылдың табалдырығынан аттағалы тұрмыз. Бұл жылды қорытындылайтын сәт те жеткеннің белгісі іспетті. Соған орай әр сала, мекеме бір жыл ішінде атқарған игі істерін қорытындылап, есеп беруде. Kazbusiness клубы да бұл үрдістен қалыс қалмады. Клуб жетекшісі Қуаныш Шаханов клуб мүшелерінің басын қосып, еркін форматта кездесу ұйымдастырды, деп жазады kazbusiness.kz тілшісі.
Жылды қорытындылау шарасына kazbusiness клубына мүше 30 кәсіпкер қатысты. Еркін форматта өткен кездесу барысында ойындар ойнатылып, кәсіпкерлерге Алғыс хат табысталды. Одан бөлек әр қатысушыға клубтың мүшесі екенін анықтайтын сертификат берілді.
Айта кетейік, қала әкімі Асқар Өкенұлы және кәсіпкерлер Ғабит Хуандаг, Айгүл Қанатқызына kazbusiness клубының жетекшісі Қуаныш Шахановтың атынан Алғыс хат табысталды.
Сондай-ақ кәсіпкерлер түрлі номинация бойынша марапатталды. Атап айтсақ:
- «Әлеуметтік бизнесті дамытушы» – Әсел Амангелдіқызы;
- «Белсенді кәсіпкер» – Берік Омарбеков, Жұлдыз Айтөре, Нұрсерік Ұлықпанұлы;
- «Ең сұлу бизнес» – Хан Атакүзиев;
- «Мақсатына берік кәсіпкер» – Эланора Есханова;
- «Ең тәтті бизнес» – Дастан Қуандықұлы;
- «Ізденімпаз кәсіпкер» – Азамат Исмаилов;
- «Уәдеге берік кәсіпкер» – Берік Дәулетов;
- «Ақкөңіл кәсіпкер» – Біржан Искаков;
- «Ең үзді сарапшы» – Айдос Алтынбайұлы;
- «Сәнқой кәсіпкер» – Диана Абитаева;
- Жыл инвесторы – Тұмар Хабдалхан.
Алматы-Бішкек тасжолы бойында орналасқан «Sirgeli” кафесінде өткен шара барысында түрлі ойындар ойнатылды. Kazbusiness клубына қатысты сұрақтар қойылып, ұтымды жауаптар берілді.
Мысалы, kazbusiness.club кездесулерінде есте қалған қызықты сәт, kazbusiness.club тарапынан алдағы уақытты не күтесіз, kazbusiness.club-та кімнен мотивация аласыз, kazbusiness.club-тан 10 жылдан кейін не күтесіз, kazbusiness.club сіз үшін қаншалықты маңызды сынды сұрақтар қойылды. Бұл сұрақ-жауап ойынында барлығы жеңімпаз атанып, сыйлықтарға ие болды.
Сондай-ақ, әр қатысушыға естелік ретінде kazbusiness логотипімен қалам, блокнот табысталды. Түрлі шоу-бағдарлама көрсетіліп, қатысушылар өзара әңгімелесті.
