Бас көтерер басты жобалардың қатарында темекі фабрикасын салу ісіде бар. Оңтүстік Кореяның ірі «KT&G» компаниясы ТМД (СНГ) елдеріне өнімін экспорттау үшін орталық хаб ретінде ҚР-да аталған фабриканы салуға құлық танытып отыр.
Инвестициялардың болжамды көлемі 1-ші кезеңде – 70 млрд. 500 млн теңге 2024 жылы пайдалануға беріледі, екінші кезеңде-124 млрд. 550 млн теңге 2030 жылы салынады деп күтілуде. Осының нәтижесінде 405 жұмыс орындарын ашу көздеп отыр. Бүгінгі күні ауданда жер учаскесі таңдалыпта үлгерген.
Айта кетейік, компания Қазақстанда заңды тұлға ретінде тіркелу үшін құжаттарын дайындауда, сондай-ақ эскиздік жобасын әзірлеуге кірісті.
Инвест. жобалардың қатарында «Қарасай Плаза» сауда-ойын-сауық кешеніде бар. Орталықтың салынуына «Сарым Промбаза» кәсіпорны мұрындық болмақ. Ондағы инвестиция көлемі 2 млрд. теңге және 300 жұмыс орнымен қамтитын болады.
Жалпы алғанда аудандағы инвестиция саласына келер болсақ, негізгі капиталға тартылған инвестициялар 163,5 млрд теңгеге жетіп, жоспар былтырғы жылдан 17,7 млрд теңгеге артық орындалған. Облыс көлеміндегі ауданымыздың үлес салмағы –26,8%.
