Шымкент қаласының мамандандырылған ауданаралық сотында қаланың бұрынғы прокуроры және сыбайлас жемқорлыққа қарсы іс-қимыл агенттігі төрағасының бұрынғы орынбасары Мақсат Қожабаевтың соты басталды, деп хабарлайды kazbusiness.kz порталы Elitar.kz сайтына сілтеме жасап.
Бұрынғы құқық қорғау органдарының аға қызметкері алаяқтық жасады деп айыпталуда.
“Қожабаев 2021 жылы 5 желтоқсан мен 2022 жылы 29 қаңтар аралығында алаяқтық жасады, яғни лауазымды адам өзінің қызметтік жағдайын пайдалана отырып, алдау және сенімге қиянат жасау арқылы бөтеннің мүлкін ұрлау, алдын ала сөз байласу бойынша адамдар тобымен аса ірі мөлшерде ақша жымқырды”, – делінген айыптау актісінде.
Сотталушылардың арасында Зәкір Гуламов бар.
“2021 жылы 5 желтоқсан мен 2022 жылы 29 қаңтар аралығында Ғұламов алаяқтық жасады, яғни алдын ала сөз байласу арқылы адамдар тобын алдау және сенімін теріс пайдалану арқылы бөтеннің мүлкін ұрлады және лауазымды адамға аса ірі мөлшерде пара беруге итермеледі”, – делінген айыптау актісінде.
Мақсат Қожабаевты 9 қаңтарда ҰҚК қызметкерлері сыбайлас жемқорлық құқық бұзушылық жасады деген күдік бойынша сотқа дейінгі тергеу шеңберінде ұстады. Ол кезде ҰҚК қандай құқық бұзушылық туралы айтқан жоқ.
