“Zhas project” жобасы аясында Үштөбе қаласында кинотеатр ашылды. Енді қала тұрғындары аспан астында кино немесе мультфильм көретін болады, деп жазады kazbusiness.kz.
“BABY TIME” жобасының жетекшісі Эльвира Ахметқызы Тамыз айында “Zhas project” жобасына қатысып, 2500-ден астам жобаның ішінде жеңіске жетті. Яғни, жобаға бөлінген 63 гранттың бірін 34-нші болып ұтқан. Бұл да бір үлкен жетістік екені сөзсіз.
“Осындай мүмкіндік беріп, жастардың идеясын қолдаған “Zhas project” жобасына алғысымды білдіремін. Қазіргі таңда 1 миллион теңге қаражатқа керекті құрал-жабдықтарды алып, жасөспірім балаларға тегін Үштөбе қаласында аспан астында кино мен мультфильм көрсетуді қолға алдық”, – дейді Эльвира Ахметқызы.
