Қазақстан Премьер-Министрі Әлихан Смайылов құрғақ жаздың егін жинау науқанына тигізетін зардаптары туралы түсініктеме берді, деп хабарлайды kazbusiness.kz.
Ол құрғақшылықтың салдарынан бірқатар аймақтар зардап шеккенін атап өтті. Онда аз өнім жиналады.
“Құрғақшылықтың салдарын жою мақсатында жедел шаралар қабылданды. Оның ішінде Үкімет резервінен қаражат бөлінетін болады. “Бәйтерек” холдингі құрғақшылықтан зардап шеккен ауыл шаруашылығы тауарын өндірушілердің кредиттері бойынша борыштарды ұзарту және қайта құрылымдау мәселесін пысықтауы қажет. Жалпы, жағдай бақылауда. Жиналған өнім сөзсіз жеткілікті. Қазақстандықтар нансыз қалмайды”, – деді министрлер кабинетінің басшысы ҚР Үкіметінің отырысында.
Сонымен қатар, Әлихан Смайылов климаттың өзгеруі, су тапшылығы ауыл шаруашылығы үшін елеулі сын-тегеурінге айналып отырғанын атап өтті. Сондықтан су ресурстарын ұтымды пайдалануды күшейту жөніндегі жол картасын әзірлеу қажет. Ал өңірлерге су үнемдеу технологияларын белсенді енгізу қажет.
Бұған дейін Қазақстанның барлық өңірлерінде жаппай егін жинау басталғаны хабарланған болатын. Бүгінгі таңда 2,4 млн га дәнді және бұршақты дақылдар немесе 14,1% жиналды.
